சிபஎபா- என்னாச்சு மகசூல் 08/23/10

ண்ணன் வீரபாகு மாதிரி படிச்சுக்குங்க. மொதல்லை கொஞ்சம் தொண்டை வறட்சிதாங்க இருந்துச்சு. சரி, இத்தோட போயிரும்னு பார்த்தா, இந்த இருமல் யாருக்கோ போனைப் போட்டு, மச்சான் இங்கே வசமா ஒருத்தன் சிக்கி இருக்கான், மாத்திரை திங்கமாட்டேன்னு திமிர் பேசுறான். அனுப்பி விட்டுருமான்னு கேட்டு ஒரு மீன்பாடி வண்டில போட்டு சளி, காய்ச்சல் ஆபிசுக்கு அனுப்ப, அவுங்க ஒரு 10 நாளைக்குங்க, சும்மா திமிர திமிர நோவடிச்சாங்க. சரி, அடிச்சுட்டு போங்கடா, நானெல்லாம் ரொம்ப நல்லவன்னு சொல்லி விட்டுட்டேன். விட்டாங்களா அவுங்க? அப்புறம் ஆசுபத்திரி சந்து, எமர்ஜென்ஸி, குலுக்கோசு, ஊசி, செக்கப்பு, மேக்கப்புன்னு சும்மா கதற கதற அடிச்சுதான் விட்டாங்க. இந்த நிலைமையில எங்கேன்னு பதிவ படிக்க? அதான் மக்களே கொஞ்சம் மன்னிச்சுக்குங்க, அடுத்த வாரத்துல இருந்து சிபஎபா’வை கலக்கிரலாம்.

ஆஹா எஃப்.எம்மில மத்தியானம் 2-4 மணிக்கு வர்ற அப்படிப்போடு ரோகினிக்கு பெரிய ரசிகரா ஃபார்ம் ஆகிட்டேன். நாமதான் அப்படின்னா வகிமாவும்(ட்விட்டர் வடகிழக்கு மாஃபியா) பெரிய ரசிகர்களா மாறிட்டாங்க. 2 மணியாச்சுன்னா போதும் எல்லாரும் நிகழ்ச்சிய கேட்குறது அப்புறமா அதைப் பத்தி பேசறதுமாவே பொழுது போவுது. கூடிய சீக்கிரம், எழுத்தாளர்கள் அமெரிக்கா வர்ற மாதிரி ரோகினி வட அமெரிக்கா வந்தாலும் ஆச்சர்யப்படறதுக்கில்லை. சென்னையில ரோகினிக்கு ரசிகர்கள் எப்படி? அதிகமோ?

ஆபிசுல கணினி இல்லாம, தொலைபேசி இல்லாம ஒரு நாள் இருந்து பாருங்க? ச்சும்மா இருக்கிறது ரொம்ப கஷ்டம்னு வடிவேல் சொன்னதுதான் ஞாபகத்துக்கு வந்துச்சு. எவ்ளோ கஷ்டம்? ஒரு ரெண்டு நாள் இருந்துப் பாருங்க புரியும்.

ரெண்டு வாரமாவே நான் மகான் அல்ல இறகைப் போல பாட்டு அலைபேசியில பாடிட்டே இருக்கு. ரயில், வீடு, வண்டி, அலுவலகம்னு எங்கேயும் இதேப்பாட்டுதான், என்னமோ இந்தப் பாட்டுக்கு இவ்வளவு காந்தமான்னு தெரியல. அதுவும் யுவனுக்கு ஏற்கனவே காந்தக் குரல், இதுல இசையும் கம்மிவேற. இந்த வருசம் இசையில யுவன் சங்கர் ராஜாங்கம் தான். தொடர்ச்சியா பின்றாரு. இதுக்கு முன்னாடி களவாணி “ஒரு முறை இருமுறை” பாட்டுதான் பாடிட்டு இருந்துச்சு. நடுவால ஒரு 3 நாளைக்கு மட்டும் எந்திரன் வந்துட்டுப் போச்சுங்கிறது இந்தப் பதிவுக்கு தேவை இல்லாதது.

எந்திரன் பாடல்கள்,தொழில் நுட்பத்துல ரகுமானுக்கு அடுத்தப் படின்னே சொல்ற அளவுக்கு வேலை செஞ்சிருக்காரு. மதன் கார்க்கியின் சில வரிகள் மனசுல செம நச் (உதா- “ஒருவனின் காதலில் பிறந்தவனோ?, கூகிள்கள் காணாத தேடல்கள் என்னோடு”) வைரமுத்துவைப் பத்தி சொல்லவே வேணாம்- ‘தந்தை மொழி தமிழல்லவா’. technoல ரெக்கார்ட் பண்ணி, குரல் சேர்த்த விதம், தலை சுத்துது.

கெளதம் மேனன் போன வாரம் ஒரு பேட்டி குடுத்தாலும் குடுத்தாரு அஜித் ரசிகர்கள் துள்ளோ துள்ளோன்னு துள்றாங்க. கெளதம் ஆங்கிலப் படத்தைக் காப்பியடிச்சுதான் படம் எடுக்கிறாராம். மங்காத்தா Bookies தமிழாக்கம்தானே? இப்ப எங்கே போயி மூஞ்ச வெச்சிக்குவாங்க? சும்மா குதிக்க வேண்டியது.

கல்லூரியில என்கூட படிச்ச பொண்ணு எப்படியோ என் அலைபேசி எண்ணைக் கணடுபுடிச்சு ‘நீ என்னைக் காதலிச்சிருக்கலாம்டா’ அப்படின்னு சொல்லிட்டு வெச்சிட்டா. என்ன கரும்மனே புரியல. என்ன சொல்ல, ’இப்ப நான் என்ன பண்ண?’னு தம்பி மாதவன் மாதிரி நானே பாத்ரூம்ல என்ன பார்த்தே கேட்டுகிட்டேன்.

முத்தம் குடுத்துக்கொண்டே இருந்தேன்
உனக்கு சலிக்கவே இல்லையாடா? என்றாள்
வாங்கி கட்டிக் கொண்டவள்,
சலிச்சு சலிச்சுதானே நல்ல
முத்தங்கள் தர்றேன் என்றபடியே அடுத்த
இச்....இச்....இச்....

Comments

  1. ஆஹா !

    இது எங்கே போய் முடியப்போவுதோ :))

    ReplyDelete
  2. // ‘நீ என்னைக் காதலிச்சிருக்கலாம்டா’//

    ஆயில்யன் நீங்க சொன்னது இதைப் பத்தியா?

    ReplyDelete
  3. //ஆஹா !

    இது எங்கே போய் முடியப்போவுதோ :))/

    அசார் வந்தா முடிஞ்சிருது :)

    ReplyDelete
  4. உங்கள் தளத்திற்க்கான வாசகர்களை அதிகமாக்க, உங்கள் பதிவுகளை தமிழ் உலகம் - இல் இணைக்கவும்.

    ReplyDelete
  5. ஆஹா மனசுக்குல நாமலே நமக்கு நாமே பெசிகுற மாதிரி ஒரு பீல்..வாழ்த்துக்கள்

    ReplyDelete
  6. ரொம்ப நாள் ஆச்சு இப்படி ஒரு போஸ்ட் படிச்சு... ;-)

    ReplyDelete
  7. ஆகா சிபஎபா இல்லியா இன்னிக்கு. பரவாயில்லை இதும் நல்லா தான் இருக்கு இளா!

    ReplyDelete

Post a Comment

Popular Posts